મારું શહેર

અમદાવાદના મેયર શ્રી હિતેશભાઇ બારોટના હસ્તે અંદાજિત રૂ.6.23 કરોડના ખર્ચે તૈયાર થયેલા નરોડા મુઠિયા કોમ્યુનિટી હોલનું લોકાર્પણ *

અમદાવાદ મ્યુનિસિપલ કોર્પોરેશનના ઉત્તર ઝોનના નરોડા વોર્ડમાં આવેલા નરોડા મુઠિયા કોમ્યુનિટી હોલનું અમદાવાદના મેયર  હિતેશ બારોટના હસ્તે લોકાર્પણ કરવામાં આવ્યું છે. આ પ્રોજેક્ટના લોકાર્પણ પ્રસંગે નરોડાનાં ધારાસભ્ય  પાયલ કુકરાણી, ડેપ્યુટી મેયર અંજુબેન શાહ, મ્યુનિસિપલ શાસક પક્ષના નેતા શ્રી જશુભાઈ ઠાકોર વિવિધ કમિટીના ચેરમેનશ્રી, નરોડા વોર્ડના કાઉન્સિલરશ્રીઓ તેમજ અમદાવાદ મ્યુનિસિપલ કોર્પોરેશનના પદાધિકારીશ્રીઓ અને અધિકારીશ્રીઓ ઉપસ્થિત રહ્યા હતાં.
અત્રે ઉલ્લેખનીય છે કે, અંદાજિત રૂ. 6.23 કરોડના ખર્ચે તૈયાર કરવામાં આવેલા આ કોમ્યુનિટી હોલનું આધુનિક સુવિધાઓ સાથે રિનોવેશન અને અપગ્રેડેશન કરવામાં આવ્યું છે. નાગરિકોને સામાજિક, સાંસ્કૃતિક તેમજ અન્ય જાહેર પ્રસંગોના આયોજન માટે વધુ સુવિધાજનક માળખું મળી રહે તે હેતુથી હોલમાં વિવિધ સુવિધાઓનો ઉમેરો કરવાની સાથે જરૂરી રિપેરિંગની કામગીરી પણ કરવામાં આવી છે.
નરોડા ગામમાં ગણેશ મંદિર પાસે આવેલા નરોડા મુઠિયા કોમ્યુનિટી પ્રોજેક્ટ અંતર્ગત કોમ્યુનિટી હોલના ગ્રાઉન્ડ ફ્લોર અને પ્રથમ માળને આધુનિક સુવિધાઓથી સજ્જ કરવામાં આવ્યા છે. ગ્રાઉન્ડ ફ્લોરમાં 435 ચોરસ મીટરનો વિસ્તાર છે, જેમાં 260થી 300 વ્યક્તિઓની બેઠક ક્ષમતા રહેશે. જ્યારે પ્રથમ માળે પણ 435 ચોરસ મીટરનો એરિયા તૈયાર કરવામાં આવ્યો છે, જેમાં એરકન્ડિશન્ડ સુવિધા સાથે 260થી 300 વ્યક્તિઓની ક્ષમતા રહેશે. આ ઉપરાંત, 1,476 ચોરસ મીટર વિસ્તારમાં ઓપન પાર્ટી પ્લોટ તૈયાર કરવામાં આવ્યો છે, જેમાં 600થી 650 વ્યક્તિઓના બેઠક આયોજનની ક્ષમતા રહેશે. આમ, કોમ્યુનિટી હોલમાં ઇન્ડોર તેમજ ઓપન એરિયામાં વિવિધ સામાજિક અને જાહેર કાર્યક્રમો યોજી શકાશે.
પ્રોજેક્ટમાં કોમ્યુનિટી હોલની સાથે 309.14 ચોરસ મીટર વિસ્તારમાં કિચન બિલ્ડિંગ બનાવવામાં આવી છે. 266.30 ચોરસ મીટર વિસ્તારમાં સ્ટેજ અને ડ્રેસિંગ રૂમની વ્યવસ્થા કરવામાં આવી છે. જ્યારે 26.64 ચોરસ મીટર વિસ્તારમાં સિક્યુરિટી કેબિન અને ટોયલેટ બ્લોક તૈયાર કરવામાં આવ્યા છે. આ ઉપરાંત, સ્થળ પર આર.સી.સી. રોડ, પેવર બ્લોક, કમ્પાઉન્ડ વોલ અને ફાયર ફિટિંગની કામગીરી પણ કરવામાં આવી છે. વાહન પાર્કિંગની સુવિધાને ધ્યાનમાં રાખીને 110 ટુ-વ્હીલર અને 80 ફોર-વ્હીલર પાર્કિંગની ક્ષમતા પણ ઊભી કરવામાં આવી છે.

Related posts

મધ્યમ શ્રેણીમાં વિશ્વનું 5મું સૌથી વધુ સમયસર ઉડાન ભરતું એરપોર્ટ – #AhmedabadAirport

GUJARAT NEWS DESK TEAM

લાલ દરવાજા એએમટીએસ બસ સ્ટોપ ખાતે પાણીની પરબ

પ્રોજેક્ટ જીવન સેતુ નો આરંભ

GUJARAT NEWS DESK TEAM

60 ફૂટના રાવણ, કુંભકર્ણ અને મેઘનાથના પૂતળાના દહન, “ધર્મનો વિજય” નાટક દ્વારા ઇસ્કોન હરે કૃષ્ણ મંદિર, ભાડજ ખાતે દશેરા મહોત્સવની થયેલ ભવ્ય ઉજવણી

GUJARAT NEWS DESK TEAM

GTAA દ્વારા ચર્ચા સત્ર યોજાયું

GUJARAT NEWS DESK TEAM

તહેવારોમાં રોડ પર ગેરકાયદે ફાફડા-જલેબીના માંડવા પર પ્રતિબંધ મુકવા મુખ્યમંત્રીશ્રીને રજૂઆત

GUJARAT NEWS DESK TEAM

Leave a Comment