બિઝનેસ

ગુજરાત ચેમ્બર ઓફ કોમર્સ એન્ડ ઇન્ડસ્ટ્રી દ્વારા ફિનટેક સ્ટાર્ટ-અપ્સ – ડિસ્પ્લે ડેનું આયોજન

 

ગુજરાત ચેમ્બર ઓફ કોમર્સ એન્ડ ઇન્ડસ્ટ્રી (GCCI) દ્વારા મંગળવાર, તા. ૦૨ જૂન, ૨૦૨૬ના રોજ સાંજે ૪:૦૦ વાગ્યાથી ૭:૦૦ વાગ્યા દરમિયાન GCCIના પરિસરમાં “ફિનટેક સ્ટાર્ટ-અપ્સ – ડિસ્પ્લે ડે”નું આયોજન કરવામાં આવ્યું હતું. આ કાર્યક્રમનું આયોજન i-Hub, Software Technology Parks of India (STPI), Venture Studio અને GIFT International Fintech Institute & Innovation Hub (GIFT IFIH) જેવી સંસ્થાઓના સહયોગથી કરવામાં આવ્યું હતું. બેન્કિંગ, ફાયનાન્સિયલસર્વિસઅનેઇન્સ્યોરન્સસેક્ટર (BFSI)ક્ષેત્રમાં નવીનતા અને ઉદ્યોગસાહસિકતાને પ્રોત્સાહન આપવાના હેતુથી આ કાર્યક્રમનું આયોજન કરવામાં આવ્યું હતું.

આ કાર્યક્રમમાં ૨૭ ફિનટેક સ્ટાર્ટ-અપ્સે ભાગ લીધો હતો અને ઉદ્યોગની બદલાતી જરૂરિયાતોને પહોંચી વળવા માટે ઉભરી રહેલી ટેક્નોલોજીઓનો ઉપયોગ કરીને વિકસાવવામાં આવેલી પોતાની નવીનતાઓનું પ્રદર્શન કર્યું હતું. કાર્યક્રમમાં ભાગ લેનાર ફિનટેક સ્ટાર્ટ-અપ્સે આર્ટિફિશિયલ ઇન્ટેલિજન્સ (AI), મશીન લર્નિંગ (ML), બ્લોકચેઇન, ડેટા એનાલિટિક્સ, ડિજિટલ પેમેન્ટ્સ, ઇન્શ્યોરટેક (InsurTech), રેગટેક (RegTech) અને એમ્બેડેડ ફાઇનાન્સ જેવી વિવિધ ટેક્નોલોજીઓનો ઉપયોગ કર્યો હતો.

આ સત્ર સ્ટાર્ટ-અપ્સ, રોકાણકારો, નાણાકીય સંસ્થાઓ, ઉદ્યોગના આગેવાનો, કોર્પોરેટ્સ, નીતિ નિર્માતાઓ અને ઇકોસિસ્ટમ સાથે સંકળાયેલા અન્ય હિતધારકો વચ્ચે એક મહત્વપૂર્ણ સંવાદ મંચ તરીકે સાબિત થયું હતું. આ કાર્યક્રમ દ્વારા અર્થપૂર્ણ ચર્ચાઓ, જ્ઞાનની આપ-લે તેમજ ઉભરતા વલણો, રોકાણની તકો, વ્યૂહાત્મક ભાગીદારી અને ભારતમાં ફાઇનાન્શિયલ ટેક્નોલોજીના ભવિષ્ય અંગે વિચાર-વિમર્શ કરવામાં આવ્યો હતો.

 

શ્રી સંદીપ એન્જિનિયર, પ્રમુખ, GCCI; શ્રી રાજેશ ગાંધી, સિનિયર વાઇસ પ્રેસિડેન્ટ, GCCI; અને શ્રી અપુર્વ શાહ, વાઇસ પ્રેસિડેન્ટ, GCCIએ ફિનટેક સ્ટાર્ટ-અપ્સ: ડિસ્પ્લે ડેની મુલાકાત લીધી હતી અને ભાગ લેનાર ઉદ્યોગસાહસિકો સાથે સંવાદ કર્યો હતો. શ્રી અમિત જી. પારેખ, ચેરમેન, GCCI સ્ટાર્ટ-અપ ટાસ્કફોર્સે કાર્યક્રમમાં ભાગ લેનાર તમામ ૨૭ ફિનટેક સ્ટાર્ટ-અપ્સનો GCCIના હોદ્દેદારોને પરિચય કરાવ્યો હતો તેમજ બેન્કિંગ, ફાઇનાન્શિયલ સર્વિસિસ એન્ડ ઇન્શ્યોરન્સ (BFSI) ક્ષેત્ર માટે વિકસાવવામાં આવી રહેલા નવીન ઉત્પાદનો, સેવાઓ અને ટેક્નોલોજી આધારિત સોલ્યુશન્સ અંગે માહિતી આપી હતી.

આ પહેલ દ્વારા GCCIએ ટેક્નોલોજી આધારિત ઉદ્યોગોને પ્રોત્સાહન આપી અને વિવિધ હિતધારકો વચ્ચે સહયોગની તકો ઊભી કરીને મજબૂત નવીનતા ઇકોસિસ્ટમના વિકાસ પ્રત્યે પોતાની પ્રતિબદ્ધતાને પુનઃદૃઢ કરી હતી. આ કાર્યક્રમે નાણાકીય સમાવેશને વેગ આપવા, ગ્રાહક અનુભવને વધુ સક્ષમ બનાવવા તથા BFSI ક્ષેત્રના ડિજિટલ પરિવર્તનમાં ફિનટેક નવીનતાઓની વધતી જતી ભૂમિકાને પણ ઉજાગર કરી હતી.

આ સત્રમાં ઉદ્યોગસાહસિકો, રોકાણકારો, બેન્કિંગ અને નાણાકીય સંસ્થાઓના પ્રતિનિધિઓ, ઉદ્યોગ નિષ્ણાતો, શૈક્ષણિક ક્ષેત્રના પ્રતિનિધિઓ, સરકારી એજન્સીઓ તથા ટેક્નોલોજી ક્ષેત્રના વ્યાવસાયિકોએ ઉત્સાહપૂર્વક ભાગ લીધો હતો, જેના કારણે આ કાર્યક્રમ ભારતમાં નવીનતાને પ્રોત્સાહન આપવા અને ફિનટેક ઇકોસિસ્ટમને વધુ મજબૂત બનાવવા માટેનું એક મહત્વપૂર્ણ મંચ સાબિત થયો હતો.

Related posts

EFPO પર ૮.૨૫% વ્યાજ દર મંજૂર, આ જ મહિને ખાતામાં જમા થશે પૈસા

ફાર્માસ્યુટિકલ્સ વિભાગના સચિવ મનોજ જોશીએ અમદાવાદમાં એમનીલ ફાર્માસ્યુટિકલ્સ ની મુલાકાત લીધી

GUJARAT NEWS DESK TEAM

યુએસ કંપનીઓની ભારત પાસેથી ટેરિફની માંગણી

GUJARAT NEWS DESK TEAM

અદાણી પોર્ટસના કોલંબો ટર્મિનલે કાર્યારંભના પહેલા જ વર્ષે દસ લાખ કન્ટેનર હેન્ડલ કર્યા

મુંબઈ એરપોર્ટ પર અદાણી એરપોર્ટ હોલ્ડિંગ્સ અને બ્લિન્કિટ દ્વારા ભારતની પ્રથમ ઇન-ટર્મિનલ ઝડપી વાણિજ્ય સેવાનો આરંભ

વિશ્વના સૌથી કાર્યક્ષમ બંદરોમાં અદાણી પોર્ટસને ટોચનું સ્થાન

GUJARAT NEWS DESK TEAM

Leave a Comment