

તાજેતરમાં યોજાયેલી ગાંધીનગર મહાનગરપાલિકાની ચુંટણીમાં જનતાના આશીર્વાદથી ભારતીય જનતા પાર્ટીના ભવ્ય વિજય બાદ આજે યોજાયેલી ગાંધીનગર મહાનગરપાલિકાની પ્રથમ સામાન્ય સભામાં વોર્ડ નં. ૪ થી ચુંટાયેલા શ્રી રૂપસિંહ ઠાકોરની મેયર તરીકે વરણી થઈ છે. વોર્ડ નં. ૧ ના નગરસેવિકા શ્રીમતી અંજનાબેન મહેતાની ડેપ્યુટી મેયર તરીકે શ્રીમતી અંજનાબેન મહેતા તથા વોર્ડ નં. ૯ ના નગરસેવક શ્રી મહેન્દ્રભાઈ પટેલ (દાસ)ની સ્ટેન્ડિંગ સમિતિના ચેરમેન તરીકે નિયુક્તિ થઈ છે.
આ ઉપરાંત શ્રીમતી સેજલબેન પરમારની દંડક તરીકે અને શ્રી જસપાલસિંહ બિહોલાની શાસક પક્ષના નેતા તરીકે વરણી કરવામાં આવી છે. ગાંધીનગર મહાનગરપાલિકામાં ભાજપાના ચુંટાયેલા વિવિધ પદે નિયુક્તિ બાદ આજે ગાંધીનગર મહાનગરપાલિકા ખાતે શહેર ભાજપ અધ્યક્ષ ડૉ. આશિષકુમાર દવે, ધારાસભ્ય રીટાબેન પટેલ, ધારાસભ્ય અલ્પેશજી ઠાકોર સહિત ભાજપા આગેવાનો, અગ્રણીઓ, કાર્યકરો, શુભેચ્છકોએ નવનિયુક્ત પદાધિકારીઓને અભિનંદન પાઠવ્યા હતાં.