ગુજરાત

મહેસાણા હાઈ-વે મોતની ચિચિયારીઓથી ગૂંજ્યો; લકઝરી બસ ડિવાઈડર કૂદી ટ્રક સાથે અથડાઈ, ૨ના મોત

ઉત્તર ગુજરાતના હાઈવે પર અકસ્માતોનો સિલસિલો યથાવત છે. મહેસાણા-રાજસ્થાન હાઈવે પર મોટી દાઉ ગામ પાસે મોડી રાત્રે એક ભયાનક અકસ્માત સર્જાયો હતો. રોંગ સઈડથી આવતી એક લકઝરી બસે કેળા ભરેલી ટ્રકને જાેરદાર ટક્કર મારતા બે લોકોના કમકમાટીભર્યા મોત નીપજ્યા છે, જ્યારે ૧૩ થી વધુ મુસાફરો ઈજાગ્રસ્ત થયા છે.
મળતી માહિતી મુજબ, આ અકસ્માત મોડી રાત્રે ૩ વાગ્યાના અરસામાં થયો હતો. વડોદરાના રાજપીપળાથી કેળા ભરીને એક ટ્રક રાજસ્થાનના જાેધપુર તરફ જઈ રહી હતી. તે સમયે અમદાવાદ તરફ જતી એક લકઝરી બસના ચાલકે સ્ટેયરિંગ પરથી કાબૂ ગુમાવ્યો હતો.
ટ્રક ડ્રાઈવર તુલસીરામે આ ઘટનાની આપવીતી જણાવતા કહ્યું કે, લકઝરી બસ અચાનક ડિવાઈડર કૂદીને રોંગ સાઈડમાં ધસી આવી હતી. પૂરપાટ ઝડપે આવતી બસે સામેથી આવતી કેળા ભરેલી ટ્રકને જાેરદાર ટક્કર મારી હતી. ટક્કર એટલી પ્રચંડ હતી કે લકઝરી બસ રોડની સાઈડમાં આવેલી ઝાડીઓમાં ઘૂસી ગઈ હતી.
આ અકસ્માતમાં ૨ વ્યક્તિઓએ જીવ ગુમાવ્યા છે. બસમાં સવાર આશરે ૧૩ જેટલા મુસાફરોને નાની-મોટી ઈજાઓ પહોંચી છે. અકસ્માત થતા જ આસપાસના લોકો અને પોલીસ કાફલો ઘટનાસ્થળે દોડી ગયો હતો. ઈજાગ્રસ્તોને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા હતા. પોલીસે હાલ અકસ્માતનો ગુનો નોંધી વધુ તપાસ હાથ ધરી છે. મોડી રાત્રે ડ્રાઈવરને જાેકું આવી ગયું હોવાને કારણે અથવા ગતિ મર્યાદા બહાર હોવાને કારણે આ દુર્ઘટના બની હોવાનું પ્રાથમિક અનુમાન લગાવવામાં આવી રહ્યું છે.

Related posts

૧૭,૦૦૦ રેશનિંગ દુકાનદારોના કમીશનમાં વધારો કરવાનો નિર્ણય

IIMA એ કેસ-આધારિત શિક્ષણશાસ્ત્રને આગળ વધારવા માટે કેસ મેથડ ઓફ લર્નિંગમાં મદન મોહનકા સેન્ટર ઓફ એક્સેલન્સનું ઉદ્ઘાટન કર્યું

GUJARAT NEWS DESK TEAM

ગુજરાતમાં વસ્તી ગણતરીનો પ્રથમ તબક્કો શરૂ થશે,સરકારે બહાર નોટિફિકેશન પાડ્યું

કસ્ટોડીયલ ડેથમાં ગુજરાત દેશમાં ટોચના ક્રમાંકે: છેલ્લાં છ વર્ષમાં પોલીસ કસ્ટડીમાં ૯૫ આરોપીનાં મોત

GUJARAT NEWS DESK TEAM

સ્ટાર એરની પૂર્ણિયા (બિહાર) માટે ઉદ્ઘાટન ફ્લાઇટ

GUJARAT NEWS DESK TEAM

પ્રોજેક્ટ જીવન સેતુ નો આરંભ

GUJARAT NEWS DESK TEAM

Leave a Comment