
અદાણી ટોટલ ગેસ દ્વારા સી.એન.જી.ના ભાવમાં અચાનક અને ધરખમ રીતે કરવામાં આવેલા રૂ. ૪.૪૫ પ્રતિ કિલોના વધારાની સખત નિંદા કરે છે. આ વધારાને કારણે અમદાવાદમાં સી.એન.જી.નો ભાવ રૂ. ૯૮.૪૭ પ્રતિ કિલો પર પહોંચી ગયો છે. દિવાળીના માત્ર થોડા દિવસ પહેલાં લેવાયેલો આ નિર્ણય સામાન્ય નાગરિકો ખાસ કરીને રિક્ષા ચાલકો, ટેક્સી ચાલકો, સ્કૂલ વાન ચાલકો, નાના પરિવહનકારો અને મધ્યમ વર્ગના પરિવારો પર ભારે આર્થિક બોજ લાદશે, જેઓ દૈનિક જીવન અને રોજગાર માટે સી.એન.જી. પર આધારિત છે. આ કોઈ અલગ વધારો નથી. છેલ્લા છ મહિનામાં જ અદાણી ટોટલ ગેસે સી.એન.જી.ના ભાવમાં ઓછામાં ઓછા પાંચ વખત વધારો કર્યો છે. સામાન્ય માણસને કોર્પોરેટ ભાવ નિર્ણયો કે નીતિની નિષ્ફળતાની કિંમત ચૂંકવવી પડે તે વ્યાજબી નથી ત્યારે કોર્પોરેટની મોનોપોલી થી ચાલતા લૂંટ તંત્ર પર આકરા પ્રહાર કરતા ગુજરાત પ્રદેશ કોંગ્રેસ સમિતિના પ્રવક્તા ડૉ. હિરેન બેંકરે જણાવ્યું હતું કે, ૨ એપ્રિલ, ૨૦૨૬ રૂ. ૧.૫૦, ૧૬ મે, ૨૦૨૬ રૂ. ૨.૨૫, ૨૭ મે, ૨૦૨૬ રૂ. ૨.૦૦, ૧૯ જુલાઈ, ૨૦૨૬ રૂ. ૨.૦૦, ૧ ઓગસ્ટ, ૨૦૨૬ રૂ. ૪.૦૦, ૨૩ ઓક્ટોબર, ૨૦૨૬ રૂ. ૪.૪૫ માત્ર લગભગ છ મહિનામાં કુલ વધારો રૂ. ૧૬.૧૫ કરતાં વધુ થઈ ગયો છે. વર્ષની શરૂઆતમાં જાન્યુઆરીમાં થયેલા ટૂંકા ઘટાડા પછી પણ વારંવાર ભાવ વધારવામાં આવ્યા છે. કંપની આંતરરાષ્ટ્રીય એલ.એન.જી. (LNG)ના ભાવ વધવા અને દેશી ગેસની ઉપલબ્ધતા ઘટવાના કારણો દર્શાવે છે, પરંતુ આખો બોજ સામાન્ય માણસ પર લાદવામાં આવી રહ્યો છે.
ઘરેલુ ગેસ સીલીન્ડર, કોમર્શીયલ ગેસ સીલીન્ડર અને સી.એન.જી.ના માસિક ઇંધણ ખર્ચમાં પણ તીવ્ર વધારો થયો છે, જ્યારે મોંઘવારી પહેલેથી જ પરિવારોને અસર કરી રહી છે. કેન્દ્ર સરકાર તાત્કાલિક દખલ કરે અને આ ભાવવધારો પાછો ખેંચવાની ખાતરી કરે. અદાણી ટોટલ ગેસ દ્વારા સતત થતા ભાવવધારાને નિયંત્રણ વિના ચાલુ રહેવા દઈ શકાય નહીં, જ્યારે સામાન્ય નાગરિક પીડાતો રહે. અમે ગેસની ફાળવણી અને આ વારંવારના ભાવ વધારાના કારણો અંગે સંપૂર્ણ પારદર્શિતાની પણ માંગ કરીએ છીએ. સામાન્ય માણસને કોર્પોરેટ ભાવ નિર્ણયો કે નીતિની નિષ્ફળતાની કિંમત ચૂકવવી પડે તે સ્વીકાર્ય નથી. કોંગ્રેસ આ ભાવવધારાથી પ્રભાવિત રિક્ષા ચાલકો, પરિવહનકારો અને સામાન્ય પરિવારો સાથે ઊભી છે અને રાહત મળે ત્યાં સુધી આ મુદ્દો ઉઠાવતી રહેશે.
છેલ્લા છ મહિનામાં સી.એન.જી.માં ઝીંકાયેલ ભાવ વધારો.
૨ એપ્રિલ, ૨૦૨૬ રૂ. ૧.૫૦
૧૬ મે, ૨૦૨૬ રૂ. ૨.૨૫
૨૭ મે, ૨૦૨૬ રૂ. ૨.૦૦
૧૯ જુલાઈ, ૨૦૨૬ રૂ. ૨.૦૦
૧ ઓગસ્ટ, ૨૦૨૬ રૂ. ૪.૦૦
૨૩ ઓક્ટોબર, ૨૦૨૬ રૂ. ૪.૪૫
કુલ રૂ. ૧૬.૧૫