અદાણી પોર્ટ્સ એન્ડ સ્પેશિયલ ઇકોનોમિક ઝોન લિમિટેડ (APSEZ), મુન્દ્રાને પર્યાવરણ સંરક્ષણ અને સંવર્ધન શ્રેણીમાં 21મા EXCEED Environment Awards 2026 અંતર્ગત “Legend (Emerging)” એવોર્ડથી સન્માનિત કરવામાં આવ્યું છે.
ભારત સરકારની LiFE (Lifestyle for Environment) પહેલ હેઠળ Sustainable Development Mission દ્વારા આયોજિત આ એવોર્ડ એવા સંગઠનોને સન્માનિત કરે છે, જેઓ પર્યાવરણ સંરક્ષણ અને પર્યાવરણલક્ષી વ્યવસાયિક પદ્ધતિઓ પ્રત્યે ઉત્કૃષ્ટ પ્રતિબદ્ધતા દર્શાવે છે.
આ સન્માન APSEZ મુન્દ્રા દ્વારા તેની કામગીરીમાં પર્યાવરણ સંવર્ધન અને જવાબદાર સંસાધન વ્યવસ્થાપનને સતત પ્રાધાન્ય આપવાના પ્રયાસોને પ્રતિબિંબિત કરે છે. પર્યાવરણ સંરક્ષણ માટેની વિવિધ પહેલો તેમજ હિતધારકો માટે લાંબા ગાળાનું મૂલ્ય સર્જવાની પ્રતિબદ્ધતા દ્વારા APSEZ મુન્દ્રા ટકાઉ વિકાસને વધુ મજબૂત બનાવી રહ્યું છે.
આ સન્માન APSEZની ટકાઉ પોર્ટ કામગીરી માટે નવા માપદંડો સ્થાપિત કરવાની તેમજ ભારતના પર્યાવરણીય અને આબોહવા સંબંધિત લક્ષ્યોમાં યોગદાન આપવાની પ્રતિબદ્ધતાને વધુ મજબૂત બનાવે છે.
