ગુજરાત ચેમ્બર ઑફ કોમર્સ એન્ડ ઇન્ડસ્ટ્રી (GCCI) દ્વારા GCCI યુથ કમિટીનો સ્થાપના સમારોહસોમવાર, 5 ઓક્ટોબર 2026ના રોજ A.H. હોલ, GCCI, અમદાવાદ ખાતે યોજાયો હતો. આ સમારોહ યુથ કમિટીના નેતૃત્વના ઔપચારિક પરિવર્તન તથાશ્રી હર્ષિલ ખજાનચીના અધ્યક્ષપદ હેઠળ નવા કાર્યકાળની શરૂઆતનું પ્રતીક બન્યો હતો.
કાર્યક્રમની શરૂઆત GCCIના પ્રમુખ રાજેશ ગાંધીના સ્વાગત પ્રવચનથી થઈ હતી. તેમણે ઉપસ્થિત મહાનુભાવો, સભ્યો અને આમંત્રિત મહેમાનોનું સ્વાગત કર્યું હતું. તેમણે યુવા ઉદ્યોગસાહસિકો અને આગામી પેઢીના બિઝનેસ લીડર્સને GCCI સાથે સક્રિયપણે જોડાવા તથા ગુજરાતના વ્યાપાર અને ઔદ્યોગિક પરિદૃશ્યને વધુ મજબૂત બનાવવામાં યોગદાન આપવા માટે યુથ કમિટીની મહત્વપૂર્ણ ભૂમિકા પર ભાર મૂક્યો હતો.
ત્યારબાદ GCCIના વરિષ્ઠ ઉપપ્રમુખ જીગિશ દોશીદ્વારાથીમ સંબોધનકરવામાં આવ્યું હતું. તેમણે યુવા નેતૃત્વ, નવીનતા, ઉદ્યોગસાહસિકતા અને ચેમ્બરની પ્રવૃત્તિઓમાં સક્રિય ભાગીદારીના મહત્વ પર ભાર મૂક્યો હતો. તેમણે નવી ટીમને જ્ઞાનની આપ-લે, નેટવર્કિંગ, ઔદ્યોગિક જોડાણ અને નેતૃત્વ વિકાસ પર કેન્દ્રિત અર્થપૂર્ણ પહેલો હાથ ધરવા પ્રોત્સાહિત કરી હતી.
યુથ કમિટીના Outgoing Chairman રોહન કુમારે ઉપસ્થિતોને સંબોધિત કર્યા હતા અને તેમના કાર્યકાળ દરમિયાન હાથ ધરવામાં આવેલી વિવિધ પહેલો અને પ્રવૃત્તિઓનો સંક્ષિપ્ત અહેવાલ પ્રવચન તથા વીડિયો પ્રેઝન્ટેશન દ્વારા રજૂ કર્યો હતો.
ત્યારબાદ GCCIના પદાધિકારીઓ અને મહાનુભાવોની ઉપસ્થિતિમાં Change of Guard Ceremonyયોજાયો હતો, જેમાં યુથ કમિટીના નેતૃત્વની ઔપચારિક રીતેશ્રી હર્ષિલ ખજાનચી, અધ્યક્ષ, GCCI યુથ કમિટીને સોંપણી કરવામાં આવી હતી. પોતાનાવિઝન અને મિશન સંબોધનદરમિયાન શ્રી હર્ષિલ ખજાનચીએ આગામી કાર્યકાળ માટેનો પોતાનો રોડમૅપ રજૂ કર્યો હતો અને પોતાની ટીમનો પરિચય કરાવ્યો હતો. તેમણે ઔદ્યોગિક સંવાદ, જ્ઞાન આધારિત કાર્યક્રમો, નેટવર્કિંગની તકો, નવીન પહેલો તથા GCCIની પ્રવૃત્તિઓમાં યુવાનોની વધુ સક્રિય ભાગીદારી દ્વારા યુવા બિઝનેસ લીડર્સ માટે એક ગતિશીલ પ્લેટફોર્મ ઊભું કરવાની દિશા પર ભાર મૂક્યો હતો.
કાર્યક્રમને રોનક ચિરિપાલ, પ્રમોટર, ચિરિપાલ ગ્રુપ, તથા સંજય શાહ, ચેરમેન અને મેનેજિંગ ડિરેક્ટર, પ્રુડન્ટ કોર્પોરેટ એડવાઇઝરી સર્વિસ લિમિટેડદ્વારા મુખ્ય સંબોધન કરવામાં આવ્યું હતું.બંને વક્તાઓએ ઉદ્યોગસાહસિકતા, નેતૃત્વ, વ્યવસાયિક વૃદ્ધિ અને લાંબા ગાળાના વિઝનના મહત્વ અંગે પોતાના અનુભવો તથા વિચારો રજૂ કર્યા હતા. તેમના માર્ગદર્શન અને અનુભવો કાર્યક્રમમાં ઉપસ્થિત યુવા ઉદ્યોગસાહસિકો અને પ્રોફેશનલ્સ માટે મૂલ્યવાન માર્ગદર્શન તથા પ્રેરણારૂપ બન્યા હતા.
આ પ્રસંગેGCCIના Office BearersGCCIના ઉપપ્રમુખ હિતેન વસંત; માનદ સચિવ નવરોઝ તારાપોર; તથા માનદ ખજાનચી ધ્રુવિલ પટેલઉપરાંત યુથ કમિટીના સભ્યો, મહાનુભાવો અને આમંત્રિત મહેમાનો ઉપસ્થિત રહ્યા હતા.
